Sistema Kanban: Produción Baseada na Demanda e Relación Comakership cos Proveedores

Sistema Kanban: Produción Baseada na Demanda

Que sexa o pedido o que poña en marcha á produción e non a produción a que se poña a buscar un comprador. Abastecer ao cliente do pedido previsto, no día previsto, minimizando os custos.

Obxectivos do Sistema Kanban

• Calidade do produto
• Calidade do proceso: rematar co caos e cos atascos que se producen cando prima a rapidez e non a calidade dos procesos, evitando custos innecesarios.

Funcionamento

• Sistema de produción baseado na demanda e consumo do cliente.
• Sistema de organización enfocado ao traballo en equipo.
• División do proceso de produción en fases, cada unha das cales hai que cubrir correctamente para pasar á seguinte fase.
• Utilización de etiquetas como sistema de información durante os procesos de produción (o que dá nome ao sistema).

Regras a Seguir

1. Non se debe mandar produtos defectuosos ao seguinte proceso (sistemas de calidade total).
2. Os procesos posteriores só requirirán os materiais necesarios aos procesos anteriores.
3. Haberá que producir só o demandado polo proceso posterior (evitar atascos na produción e desperdicios).
4. Racionalización e estandarización dos procesos, evitando o traballo defectuoso.

Tipos de Etiquetas

• Kanban de sinal: é o primeiro kanban, que autoriza ao derradeiro posto do proceso produtivo para que ordene aos anteriores o comezo da produción de materiais.
• Kanban de fabricación: indica a cantidade a producir polo proceso anterior.
• Kanban de transporte: indica a cantidade a recoller polo proceso posterior.

Proceso

1. O cliente fai un pedido.
2. O derradeiro posto recibe un kanban de sinal.
3. O operario colle os contedores baleiros, de acordo co que precisa, e envíaos ao posto anterior acompañados, cada un deles, dun kanban de produción e un de transporte.
4. Nese posto, o operario retira o kanban de produción (o cal irá cumprimentando a medida que realiza o seu traballo), colle novos contedores baleiros para facer os requirimentos necesarios ao posto anterior.
5. E así sucesivamente, ata chegar ao inicio do proceso de produción. Aquí remata o fluxo de información.
6. No inicio do proceso comeza o fluxo de materiais en sentido inverso. O operario coloca os materiais nos contedores, recheа os kanban de transporte e envía ao posto seguinte.

Comakership: A Relación Proveedor-Empresa

Dentro do marco da relación proveedor-empresas, xurdiu o termo "Comakership", que busca unha vía de progreso común da empresa cos seus proveedores. Fálase de co-desenvolvemento, co-deseño, co-mellora e co-xestión.

Esta nova forma de traballo conxunto baséase nunha filosofía de aprovisionamento orientada a conseguir a mellora continua e a eliminación sistemática de desperdicios (sistemas Just in Time e Calidade Total). A industria xaponesa encargouse en primeiro termo de aplicar estes principios, os cales posteriormente foron importados por empresas occidentais con algunhas variacións.

Políticas no Cambio da Relación Proveedor-Cliente

• Aseguramento de relacións estables a longo prazo.
• Número limitado de proveedores activos.
• Preservar os mesmos proveedores.
• Implantar sistemas de selección que involucren a toda a organización.
• Avaliación dos proveedores en función dos custos totais, en lugar dos prezos.
• Cooperación cos proveedores a fin de que os seus procesos sexan máis fiables e menos custosos.

Niveis do Comakership

• Nivel 3: Proveedor normal
• Nivel 2: Proveedor asociado
• Nivel 1: Proveedor cofabricante