Llojet e Psikozave dhe Teknikat e Menaxhimit të Stresit

Shpjego llojet e psikozave

Psikozat janë forma të rënda të çrregullimeve psikike.

• a) Psikoza e manisë depresive karakterizohet kryesisht nga çrregullime të reagimeve emocionale.
• b) Psikoza e skizofrenisë (skizofrenia) shfaqet me reagime të çuditshme të individit ndaj dukurive fizike dhe sociale të mjedisit, me çrregullsi në perceptimin e tyre, halucinacione të shpeshta, autizëm të nivelit të lartë dhe shkëputje të kontaktit me mjedisin dhe me kërkesat e tij.
• c) Psikoza paranoide karakterizohet me ide përndjekjeje te personi që vuan nga kjo psikozë, si dhe me idenë e madhështisë së tij, duke u sjellë kështu si epror i lartë ushtarak, shkencëtar apo piktor.

Përshkruaj 5 teknikat e menaxhimit të stresit

• Menaxho kohën: Programimi i kohës suaj mund t’ju bëjë më produktivë.
• Përpiqu të dallosh mënyrat e sjelljes që ndikohen nga stresi dhe t’i reduktosh.
• Krijo një stil jete: Balanco detyrimet duke i dhuruar vetes kohën e mjaftueshme për t’u qetësuar.
• Ushqehu mirë, mos pi duhan dhe limito sa të mundesh konsumin e alkoolit.
• Mbaj afër miq të mirë: Njerëzit që kanë një rrjet të fortë shoqëror që i mbështet janë shumë më të aftë të përballojnë ndryshimet e jetës.

Llojet e ndryshme të sjelljeve normale

• Skizofrenia: humbje e kontaktit me realitetin në formën e halucinacioneve, çrregullime të dukshme të të menduarit dhe perceptimit, si dhe sjellje të çuditshme.
• Çrregullimet e ankthit: ankthe si në rastin e fobisë ose të panikut.
• Çrregullimet e humorit: variojnë nga depresioni ekstrem deri te euforia.
• Çrregullimet somatoforme: simptoma fizike si dhimbja ose paraliza.
• Çrregullimet disociative: ndarje mes funksioneve zakonisht të integruara, të ndërgjegjes, kujtesës dhe identitetit.
• Çrregullimet seksuale dhe të identitetit gjinor: probleme si preferencat seksuale, p.sh. pedofilia ndaj fëmijëve dhe fetishizmi ndaj objekteve, si dhe transseksualizmi, bindja se trupi i përket gjinisë së gabuar.
• Çrregullimet e të ngrënit: anoreksia dhe bulimia nervore.
• Çrregullimet e gjumit: anormalitete të sasisë, cilësisë dhe kohës së gjumit.
• Çrregullimet e kontrollit të impulseve: pamundësia për t’i rezistuar instinktit ose tundimit, si kleptomania (vjedhja) ose trikotilomania (shkulja e fijeve të flokëve për kënaqësi ose nga tensioni).
• Çrregullimet e lidhura me substanca: përdorimi ose varësia ndaj alkoolit apo drogës.