Estereotipos de xénero na publicidade e igualdade real

“Non se nace muller; chégase a selo”, advertía Simone de Beauvoir ao denunciar que a identidade feminina é unha construción social imposta pola cultura patriarcal. O estudo da AUC confirma que a publicidade segue a transmitir esa mensaxe: a muller aparece maioritariamente como ama de casa, invisibilizada en espazos de poder ou saber, e subordinada cando accede ao ámbito profesional. Esta representación reforza a súa alteridade, converténdoa no “outro” fronte ao suxeito masculino. O pensamento de Beauvoir foi clave para o feminismo contemporáneo ao poñer en dúbida o esencialismo de xénero e sinalar que a desigualdade é produto dunha estrutura social e simbólica. Mentres os medios continúen reproducindo estes estereotipos, as mulleres seguirán atrapadas en roles que non elixiron. O feminismo actual, herdeiro das súas ideas, reclama novas narrativas que dignifiquen a diversidade das experiencias femininas e liberen ás mulleres das imposicións históricas. A igualdade real require, tamén, imaxinarios xustos. ESTEREOTIPOS DE XÉNERO

Cara a igualdade real entre homes e mulleres

“Non se nace muller; chégase a selo”. Con esta frase, Simone de Beauvoir sinalaba que a muller non está determinada pola bioloxía, senón por unha sociedade que a constrúe como “segundo sexo”, subordinado ao home. A Lei 7/2023 da Comunidade Autónoma de Galicia recolle este espírito ao comprometerse coa eliminación da discriminación e coa promoción dunha igualdade efectiva. A súa aposta por integrar a perspectiva de xénero en todas as políticas públicas é esencial para cambiar esa “experiencia vivida” de desigualdade que Beauvoir denunciaba. O feminismo contemporáneo, inspirado na súa obra, sabe que non abonda con proclamacións legais; cómpre accións reais que rompan coas estruturas simbólicas e materiais que desvalorizan as mulleres. Esta lei representa un paso cara a esa transformación profunda que recoñece a dignidade, a liberdade e a autonomía das mulleres como suxeitos plenos da historia e da sociedade.