Kontratat Biznesore dhe Shoqëritë Tregtare në Kosovë
Kontratat Biznesore
Kontrata për qiran është një kontratë e rëndësishme e së drejtës së detyrimeve dhe transaksioneve kontraktore.
Kontrata për licencën është një kontratë specifike e cila, në kuadër të operacioneve biznesore moderne, me sukses i rregullon marrëdhëniet kontraktuale mes dhënësit të licencës, i cili detyrohet t'ia kalojë fituesit të licencës në tërësi ose pjesërisht të drejtën e shfrytëzimit të shpikjes, dijes, përvojës, vulës, kurse fituesi i licencës detyrohet që për këtë ta paguajë shpërblimin e caktuar.
Kontrata për Angazhimin e Hotelit
Kontrata për angazhimin e hotelit (Altomani) është punë juridike në bazë të së cilës ndërmarrja hoteliere, bazuar në kapacitetet e veta objektive e subjektive, merr detyrimin që personave-klientëve, të cilët i dërgon agjencia e udhëtimit, t'u ofrojë në dispozicion një numër të kontraktuar të shtretërve.
Kontratat në Biznes
Kontratat në biznes janë ato të cilat i lidhin subjektet biznesore për kryerjen e operacioneve, respektivisht transaksione nga sfera e biznesit dhe afarizmi i gjithanshëm i tyre.
Kontratat konsiderohen:
- Kur të dy palët kontraktuese janë shoqëri biznesore apo person juridik që kryejnë veprimtari legale të biznesit;
- Kur të dy palët kontraktuese janë ndërmarrës që krijojnë veprimtari biznesore;
- Nëse njëra palë kontraktuese është shoqëri biznesore ose tjetër person juridik që kryen aktivitete biznesore, ndërsa pala tjetër është ndërmarrës.
Kontrata për Shitje në Biznes
Kontrata për shitje në biznes: shitësi detyrohet që blerësit t'ia dorëzojë mallin mbi të cilin e ka fituar të drejtën e pronësisë ose e ka krijuar atë të drejtë.
Kontrata për Këmbim
Kontrata për këmbim është pjesë e grupit të kontratave me të cilat bëhet tjetërsimi i të drejtave dhe sendeve. Me këtë kontratë palët detyrohen në mënyrë reciproke t'ia bartin pronësinë e një sendi të caktuar.
Kontrata për Huan
Kontrata për huan është kontratë e së drejtës detyruese, në bazë të së cilës krijohen marrëdhënie juridike mes huadhënësit dhe huamarrësit, me çka huadhënësi detyrohet t'ia dorëzojë shumën e caktuar të hollave apo gjësend, ndërkaq huamarrësi detyrohet t'ia kthejë sipas afatit të caktuar.
Kontrata për Kredi
Kontrata për kredi: mbi këtë bankë zotohet që shfrytëzuesit të kredisë t'ia vë në dispozicion një shumë parash, për të caktuar apo të pacaktuar për destinimin e paparashikuar, kurse shfrytëzuesi duhet t'ia paguajë kamatat dhe t'ia kthejë shumën e caktuar brenda afateve të caktuara.
E Drejta Statusore e Shoqërive Tregtare
Një shoqëri tregtare mund të themelohet në Kosovë si:
- Ndërmarrja individuale
- Shoqëria kolektive ose ortakëri
- Shoqëria komandite
- Shoqëria me përgjegjësi të kufizuar
- Shoqëria aksionare
Shoqëria Biznesore
Shoqëria biznesore është person juridik që themelohet me statut ose aktin themelor dhe rregullohet me kontratë nga ana e personave juridikë ose personave fizikë, për ushtrimin e veprimtarisë me qëllim të rezultatit të fitimit.
Klasifikimi i Shoqërive Biznesore
- Shoqëria kolektive është shoqëri tregtare që themelojnë dy ose më shumë persona fizikë.
- Shoqëria komandite është shoqëri biznesore të cilën e themelojnë dy ose më shumë persona fizikë në cilësinë e ortakëve. Ka 2 lloje anëtarësh:
- Komplementari përgjigjet për shoqërinë në mënyrë të pakufizuar;
- Komanditori përgjigjet për shoqërinë deri në lartësinë e kuotës së vet.
- Shoqëria me përgjegjësi të kufizuar është ajo formë e shoqërisë të cilën e themelojnë një ose më shumë persona juridikë dhe personа fizikë në cilësinë e anëtarëve të shoqërisë, me qëllim të ushtrimit të veprimtarisë së caktuar nën emrin e përbashkët të biznesit, ndërsa detyrimet e veta i përgjigjet vetë.
- Shoqëria aksionare është person juridik të cilin e themelojnë një ose më shumë persona juridikë ose fizikë me cilësinë e aksionarëve, me qëllim të ushtrimit të veprimtarisë së caktuar nën emrin e përbashkët, kapitali themelor i së cilës është përcaktuar dhe ndarë në aksione.