Glossario de Termos Xeográficos e Ambientais

Enerxías renovables

Son aquelas que se investigan para substituír as enerxías tradicionais por razóns da súa menor contaminación.

Esperanza de vida

Cálculo do número de anos que un individuo pode esperar vivir no momento de nacer.

Estatuto de autonomía

Norma institucional básica en España dunha Comunidade ou Cidade Autónoma.

Esteiro

Extensión mariña próxima á desembocadura dun río, onde se produce a interacción do mar e do río (por exemplo, o río Miño).

Estiaxe

Nivel máis baixo que as augas dun río teñen ó longo dun ano.

Explotación intensiva

Explotación agraria na que se obteñen uns elevados rendementos por unidade de superficie grazas a un forte investimento de capital e traballo.

Fondos estruturais

Fondos comunitarios que teñen como obxectivo corrixir as desigualdades de desenvolvemento entre as distintas rexións europeas.

Foz

Corte profundo ou val transversal e estreito feito por un río.

Franquicia

Concesión de dereitos de explotación dun produto, actividade ou nome comercial.

Industrias verdes

Tipo de industria que intenta non contaminar nos procesos de produción, distribución e consumo.

Inversión térmica

Aumento da temperatura ó ascender en altura, cando debería descender en condicións normais.

Isóbara

Liña imaxinaria que une nun mapa os puntos que teñen a mesma presión atmosférica sobre o nivel do mar.

Isohieta

Liña imaxinaria que une puntos que presentan unha mesma precipitación media anual.

Landa

Formacións vexetais nas que destaca a familia das ericáceas e das leguminosas.

Laurisilva

Paisaxe vexetal. Trátase dun tipo de bosque nuboso subtropical ou selva alta.

Litosfera

Codia terrestre formada por placas en continuo movemento responsables dunha parte das modificacións na superficie terrestre.

Maquis

Matorreira baixa de arbustos e matas aromáticas propios do clima mediterráneo.

Marisma

Terreo lixeiramente deprimido con respecto ó nivel do mar que resulta asolagado pola subida da marea.

Materias primas estratéxicas

Aquelas que condicionan o crecemento da produción ou a riqueza mundiais, claves por razóns políticas para a economía mundial.

Meseta

Superficie chan de importante extensión elevada con respecto ó nivel do mar.

Municipio

Unidade territorial administrativa básica rexida por un concello elixido democraticamente.

Obxectivos do Milenio

Son os oito obxectivos sobre o desenvolvemento humano que a ONU acordou no ano 2000.

Padrón municipal

Relación dos habitantes dun concello, onde figura coma información básica o nome, apelidos e domicilio destes.

Paisaxe

Calquera área da superficie terrestre produto da interacción dos diferentes factores presentes nela.