Era Victoriana e Imperialismo: Historia Política e Social

Era Victoriana

Era victoriana: etapa que abrangue o período de reinado de Victoria I en Gran Bretaña, no cal este país acadou a máxima expansión territorial, consolidou o seu desenvolvemento industrial e mantivo as institucións tradicionais baseadas na monarquía parlamentaria.

Política Interna Británica

Cuestión irlandesa: problema político interno de Reino Unido, provocado pola arela de independencia dos irlandeses, vixente desde a Idade Media e que desencadeou numerosos estalidos de violencia.

Tories e whigs: son os dous principais partidos sobre os que xiraba a vida política británica desde mediados do século XIX. Os primeiros eran conservadores e os segundos liberais.

Alemaña e Austria-Hungría

Conceptos Fundamentais

Reich: períodos nos que Alemaña está gobernada por un emperador e á cabeza do poder en Europa.

Kaiser: palabra procedente do latín e convertida ao alemán que significa César, emperador.

Monarquía dual: existía no Imperio Austro-Húngaro e consistía en compartir a figura do emperador e os ministros de guerra, relacións exteriores e finanzas. Pero Austria e Hungría tiñan leis, goberno e parlamento propio.

Relacións Internacionais

Paz armada: período anterior á 1ª Guerra Mundial no que as principais potencias levaron a cabo un rearmamento intenso.

Darwinismo social: teoría social inspirada na teoría de Darwin da evolución pola selección natural. Segundo esta teoría, as sociedades máis desenvolvidas teñen a obriga de impoñerse ás menos desenvolvidas para favorecer a mellora xeral do ser humano.

Sistemas Coloniais

Colonia: territorio no que a poboación indíxena estaba sometida á potencia colonial. Nela existía un goberno e administración totalmente europeos. Este sistema predominaba en África e parte de Asia.

Protectorado: territorios coloniais onde xa existía un Estado soberano coa súa propia estrutura política, que teoricamente era respectada pola metrópole, pero reservándose o control militar, a dirección da política exterior e a explotación económica.

Dominio: específicos do Imperio Británico, eran colonias de poboamento ás cales se lles aplicou un sistema de autogoberno, autónomas na política interna, pero os asuntos exteriores eran decididos na metrópole.