Edema Pulmonare: Shkaqet, Klinika dhe Trajtimi
EDEMA PULMONARE
Eshtë zhvillimi i menjëhershëm dhe shpesh i pashmangshëm i edemës në alveolat pulmonare.
Vjen nga mekanizma
1. Rritja e presionit hidrostatik në nivelin kapilar pulmonar.
2. Rritja e përshkueshmërisë së membranës gazshkëmbyese në pulmone.
Në varësi të vendosjes së ajrit mund të jetë:
- intersticiale
- alveolare
Shkaqet:
- Kardiake
- Jo kardiake
1 – Edema pulmonare kardiogjene
Në shkaqet kardiake, insuficenca kardiake është shkaku më i shpeshtë i edemës pulmonare. Kjo insuficencë mund të vijë nga:
- ischemia e miokardit
- infarkti i miokardit
- kardiomiopatitë
- sëmundjet koronare
- ndryshimet në valvulat mitrale ose aortale
- hipertensioni arterial
- aritmitë
Vijnë si pasojë e insuficencës ventrikulare të majtë, e cila behet shkak për mosterheqjen e qarkullimit pulmonar në sasinë e duhur.
2 – Edema pulmonare jokardiogjene
Shkaku për këtë janë:
a – lezionet pulmonare direkte: aspirimi i materialeve, inhalacioni i gazeve toksike, pneumonia, embolia pulmonare, trauma toraksale
b – lezionet pulmonare indirekte: si pasojë e gjendjeve inflamatore të gjeneralizuara në organizëm ose ngapranimi në organizëm i substancave që dëmtojnë mureve kapilare (sepsis, pankreatit, overdozë me opiate, shoku, ndryshimet e permeabilitetit të membranës së kapilarëve).
Klinika
Pacienti duket i tendosur, në pozicion ndenjur, ka:
- Takipne, Dispne, episode apneje
- Djersë e shtuar (nga rritja e tonusit adrenergjik)
- shpesh dhe cianozë
- kollë – shpesh e shoqëruar me rrema gjaku
- ndiesia e mbytjes dhe ankthi, që e shoqëron
- palpitacione, dhe ndonjëherë dhimbje në gjoks
Në auskultacion: zhurma të 2 anshme në mushkri, rale dhe fishkëllima. Në zemër dëgjohet një ton i tretë. Sputumi me shkumë dhe me gjak.
Radiografia:
Ngarkesë difuze në fushat e mushkrive me imazh si “Krahët e Flutures”.
Trajtimi
Mjekimi duhet të jetë i menjëhershëm.
- Pacienti mbahet ulur, për të pakësuar kthimin e venës.
- Jepet O2 100%.
- Diuretiku i-v → Furosemid 40–100 mg.
- Morfinë 2–5 mg → për dispnenë dhe ankthin. Pengon frenimin respirator.
Në rast dështimi të terapisë, jepet terapi shtesë:
- Aminofilinë 6 mg/kg në 20 min, për pakësimin e bronkospazmës. Mund të jepet në vend të morfinës.
- Në rast se diuretikët nuk e bëjnë efektin e dëshiruar brenda një kohe të shkurtër, pakësojmë vëllimin intravaskular me anë të Flebotomisë: heqim 250 ml gjak nga vena e krahut, duke vendosur laqe hemostatike në gjymtyrë.